330               TESTAMENTS ENREGISTRÉS AU PARLEMENT DE PARIS            (570)
ou pris de dix frans, ou cas que avant mon decès je n'en auroie ordonné.
Item, je vueil que le jour de mon obseque fait en l'eglise et college dessus nommé ait six torches, chascune de quatre livres, et quatre cierges, chascun de trois livres, et vueil que six povres tiegnent les torches, et soient esleuz les plus diseteux charitables que l'en pourra trouver, qui auront chascun ung Solers et chausses, ou pris de dix solz chausses et solers à chascun des six povres.
Item, je vueil que aux vigiles et messes de mon obseque soit distri­bué quatre livres Parisis à tout le college.
Item, vueil que durant le service soient sonnées les cloches et soit baillie aux sonneurs douze solz bailliez en leurs mains.
Item, je vueil ung anniversaire estre fait à Saint Spire, c'est assa­voir, vigiles le jour de la messe de mon obseque fait à Nostre Dame et la messe l' endemain, et y sera distribué quarante solz et pour les sonneurs huit solz bailliez en leurs mains.
Item, je vueil et ordonne vint livres Parisis estre baillées et deli­vrées aux marregliers du Vielz Corbueil, tantost et quantes foiz qu'ilz auront trouvé rentes bien assises à l'adviz du curé, de mes executeurs et des parrochiens, pour faire pour moy deux anniversaires solennelz tous les ans à dyacre et soubzdyacre, dont de la rente d'icellui argent achetée sera distribué au curé pour faire les diz anniversaires les deux pars par les marregliers, et la tierce demourra à la fabrique, et ne seront tenus Ies diz marregliers de riens paier au dit curé, se au di­menche ne annonce au prosne le jour du service, et que iceulx marre­gliers soient certifiez du service estre fait solennelment, comme dessus est dit. Et avecques ce vueil et ordonne quatre livres Parisis estre baillées et delivrées pour convertir es choses plus necessaires pour l'eglise du dit Vielz Corbueil, dont je charge mes executeurs.
Item, je laisse à la chapelle de la maladerie de Crecy en Brie, dont j'ay esté Chapellain, quatre livres Parisis pour estre convertiz par mes diz executeurs es plus graus necessitez de la dicte chapelle.
Item, je vueil et ordonne que aux dames de Saint Marcel soit fait